A-dan Z-yə SEO haqqında hər şey seo.az-da

SEO-nun məqsədi sözlərə əsaslanaraq Google-da və ya hədəflənmiş axtarış sistemində veb saytları yüksək yerlərə yerləşdirməkdir. Daha yüksək yer tutan saytlar daha çox klik alır. Daha çox ziyarətçi hər bir veb-sahibkarı sevindirir, lakin burada ən vacib potensial müştəri ola biləcək istifadəçilərin sayıdır. Başqa sözlə, daha çox ziyarətçi əldə etmək üçün deyil, daha çox müştəri əldə etmək üçün Axtarış Motoru Optimizasiyası etməlisiniz.

Bu sahədə təcrübəniz yoxdursa, SEO mütəxəssisi ilə işə başlaya bilərsiniz. Düzgün mütəxəssis tapmağınızdan əmin olmağı məsləhət görürəm. Çünki şüursuz iş saytınıza ciddi ziyan vura bilər.

Əksər mütəxəssislər adətən aşağıdakı xidmətləri təklif edirlər:

• Saytınızın ümumi strukturunu nəzərdən keçirmək.
• Saytınızdakı yeni məzmunu nəzərdən keçirilməsi və təklif hazırlanması.
• Google və digər axtarış motorlarına uyğun olaraq veb saytınızı təkmilləşdirmək üçün təkliflər vermək.
• Açar söz tədqiqatı.
• Rəqib və Sektor Analizi.
• SEO Təlimi.
• Off-Page strategiyaların hazırlanması və həyata keçirilməsi.
• Peşəkar və dətallı SEO hesabatlarının hazırlanması.

Açar sözlər Axtarış Motoru Optimizasiyası strategiyanız üçün vacibdir. Buna görə də analitik yanaşmadan istifadə etməlisiniz. Əvvəlcə potensial ziyarətçinizi düşünün. O, hansı axtarışla məşğuldur, nə istəyir? Səhifənizi yüzlərlə fərqli söz  üçün optimallaşdıra bilməzsiniz. Buna görə də biz çox konkret sorğular seçməliyik və nəyi optimallaşdıracağımıza qərar verməliyik.

Nəzərə almaq lazım olan 3 vacib şey var: Tezlik, Rəqabət və Uyğunluq.

Açar söz tədqiqat prosesi  uyğunluq (Açar söz həcmi), tezlik (insanların nə qədər  axtarması) və rəqabət (bazarın nə qədər rəqabətli olması) arasındakı əlaqədir.

Açar söz araşdırması apararkən məqsəd hazırladığımız məzmunu təsvir edən vacib açar sözləri seçməkdir. Bu, bizi axtarış motorlarında daha ön sıralarda çıxaracaq və potensial müştəri qazanmaq üçün bizə əlavə imkanlar yaradacaq.

Adından da göründüyü kimi sayt daxili SEO vebsaytda edilən dəyişikliklərli  optimallaşdırma növüdür. Məzmununuzun istifadəçilərə necə göstərildiyini bilmək vacibdir. Başlıq, meta təsvir və veb-sayt URL-si  veb saytınızı optimallaşdırmağa başlayanda təkmilləşdirməli olduğunuz ilk məsələlərdir.

Veb saytınızdakı hər bir səhifə üçün unikal  başlıq və təsvir daxil etməlisiniz. Siz həmçinin aydın və intuitiv URL strukturunuz olduğundan əmin olmalısınız.

Aşağıdakı nüanslara diqqət etməyiniz məsləhətdir;

• Veb saytınızın yerləşdiyi sektora uyğun təzə və maraqlı məzmun təqdim etməlisiniz.
• Hər səhifə üçün unikal başlıq və təsvir etiketindən istifadə etməlisiniz.
• Açar sözlər ilə daxili əlaqə yarada bilərsiniz.
• Başlıq etiketlərindən (H1-H6) müvafiq şəkildə istifadə etdiyinizə əmin olun.
• Şəkil optimallaşdırmasına, təsvirin URL istifadəsinə və ALT teqlərinə diqqət yetirin.
• Mobilə uyğun vebsaytınız olduğundan əmin olun.
• Veb saytınızın sürətli yüklənməsinə diqqət yetirməlisiniz.

Siz həmçinin bəzi dizayn  və texniki  məsələləri yoxlaya bilərsiniz. Bütün bunlar reytinqinizi yaxşılaşdırmağa və daha çox trafik əldə etməyinizə kömək edəcək.

Off-Page optimallaşdırma veb-saytı kənardan dəstəkləmək və onun fəaliyyətini artırmaq üçün görülən işlərdir. Burada ilk ağla gələn  geri bağlantılardır. Off Page SEO işlərində ən vacib amil backlinklər olsada, təkcə bu kifayyət deyildir.

Axtarış motorunun optimallaşdırılmasına təsir edən saytdan kənar kanallar bunlardır:

• Sosial media hesablarından hazırlanan strategiya və post paylaşımları
• Sosial media reklamları
• Google reklamları
• PR araşdırmaları
• YouTube
• Geri Bağlantılar (Backlink) / Tanıtım Məqalələri, Sponsorlu reklamlar və s.

Hədəf auditoriyanızın aktiv olduğu kanallar vasitəsilə bu cür tədqiqatların aparılması Axtarış Motoru Optimizasiyası səylərinizə birbaşa dəstək verir. Bu sahədə uğur, şübhəsiz ki, Off-Page optimallaşdırma ilə gələn bir məsələdir. Odur ki, saytın təməlini qoyduqdan və yüksək keyfiyyətli məzmun dərc etdikdən sonra onu bu tip fəaliyyətlər ilə dəstəkləməlisiniz.

Axtarış Motoru Marketinqi (SEM) investisiya gəliri (ROI) üçün optimallaşdırmağa dəyər yüksək performanslı açar sözləri tapmağa kömək edə bilər. Orqanik trafikinizin artmasını gözləmək əvəzinə, Google Ads kampaniyasına başlaya bilərsiniz. Bu yolla istifadə etdiyiniz açar sözlər arasından böyük potensiala malik sözləri müəyyən edə bilərsiniz.

Google reklamları sayəsində siz həm də konversiya gətirən sözləri müəyyən edə və bu sözlərə diqqət yetirə bilərsiniz. Vaxt itirmədən, orqanik trafik vasitəsilə gələn ziyarətçilər ilə həm trafikinizi, həm də gəlirinizi artıra bilərsiniz. Bununla belə, hədəflədiyiniz açar sözləri  ilə SEO tədqiqatlarına başlayın və mütləq bu sözlər üçün Google Ads büdcəsini azaltmayın, bu sözləri hədəfləməyi dayandırmayın. Bu iki kanalı birlikdə istifadə etmək daha yaxşı olardı.

Yaxşı SEO keyfiyyət göstəricisini artırır və Google ADS kampaniyalarına kömək edir. Bu, klik və kampaniya üzrə ümumi xərcləri azaldacaq, həmçinin uğur şansınızı artıracaq.